Koffer klauen!
Im Wald is so staad,
alle Weg san vawaht,
alle Weg sann vaschniebn
is koa Steigl net bliebn.
Hörst D´as z´weitest im Wald,
wann da Schnee oba fallt,
wann si´s Astl o´biagt,
wann a Vogel auffliagt.
Aba heunt kunnts scho sei,
es waar nomal so fei
es waar nomal so staad,
dass si gar nix rührn tat.
Kimmt die heilige Nacht.
Und da Wald is aufgewacht,
schaugn de Has´n und Reh,
schaugn de Hirsch übern Schnee.
Hamm sie neamad net gfragt,
hot´s eahr neamad net gsagt,
und kennan s´do bald,
d´ Muatta Gottes im Wald.
von Ludwig Thoma - damit ma n bisken Kultur hier reinkommt . . . .