Schwäbisch fir reigschmegde

[HarryS]

i ben heit Morga am 1/2 siebane uf da Bock nuffghockt ond han ar Ronde dreht.
Schee wars, koi Mensch war ondorwegs i han dSchdros fir mi ket und Temperatur war richtig geil.
No ben i no beim Becker vorbei und han Bräzla gholt.
Jetzt geids an Kaffee ond Buttorbräzla.

 

[Erg-Chebbi]

Des war sicher a guada Idee.
I hau gerschd an leichta Ofall mit Kaibirinaja ghet. Da bleibt heit bloß Mobbed butza als Aldernative. Schad ja au nex

 

[HarryS]

Chebbi solche Fäll kommat vor. Des isch die Realität vom Läba. Des han i au äls. Hauptsache schee wars ond da Rescht isch egal.

 

[Erg-Chebbi]

Ond wies schee war. Zersch wara mir em Naturtheader en Gretzinga ond hen dr Sommernachtstraum vom Willam Schaiksbier aaguggt. A richtig tolla Veraastaldung. Ka i eich bloß empfehla. Au wenn ihr mit dem alda Englender nex am Hud hen.
Ond der Ofall isch na drhoim auf dr Terrass bassiert. War au schee.
Ond jetzt fraiad eich elle an den scheena Dag.

 

[waffel]

Ond jetzt fraiad eich elle an den scheena Dag.

…mit no a bissle C-Sembdom am Ranza
Bis em Daischdich muas des Glomb dussa sai, dia Wiera zahlad jo ettamohl Miede

 

[GSGuenter]

I hau gerschd an leichta Ofall mit Kaibirinaja ghet

Du woisch jo: a halbr Balla isch gladd nausgschmissas Geld

 

[waffel]

...em Fall, dass äbbr sai Garmin ällamohl oifach ens Egg schmeissa will:
https://www.kochvolker.de/Basecamp.pdf
Han i mir grad naipfiffa ond i glaub mei Garmin XT ond i send jetzad bessre Kumbl worda

 

[HarryS]

i denk do kasch nema was de willschl. Des isch irgendwo ällas a bisle an Scheiss

 

[waffel]

do hosch räachd, aber mit dem saine Beschreibunga isch des jetzad ächd guat!

 

[gshogi]

Leit, war des hoiß.
Dr ganze Daag uffm Bock.
Scho kurz vor Passau han i s voorzooga durch Wälder od Hügel hoim zom fahre.
Also äbbes nördlicher, weg vo dr Donau ond dem Flachland.
450 km in 7 Stond mit Pausa.
Jetzt grad a "Echtes" dronga.
Nährstoffe uffnehma.

Waffel - dir a guade Besserong.

 

[waffel]

hogi, i dank dr grad saumäßig!
Morga fria wird sichs weißna, ob do no äbbes vo dem C-Glomb romgoischdrad…

Wenn de vor laudr huaschda Schädlwai griagsch, hot dr Schbass a ganz diafs Loch…
Ond noh no dia Bruadhitz - do derf koinr bleed oms Egg komma, weil do wirsch schdrohffällig…

 

[DKwRudl]

aue, des mit denne Obschdwässrla isch grad ganz ohgschiggd - i hau en so dermasana rauda ond entzondana Hals, i glaub des.däd ett guat, do duat sälbschd s‘ kalde Hahnawassr scho ohahgnehm brenna

Die Alte hen bei os frir emr gseid
Besser gegen Besses
Guade bessereng

 

[Erg-Chebbi]

Glabbt des morga mit dr Reddichbar? Ond om wieviel Uhr?
Viele Grias
Martin

 

[Mulle]

Bei mir leidr et, darf in Spädschicht.

 

[waffel]

ieh beh heit emmrno bosidiev

 

[HarryS]

also goat no soda mor des noml nausschiaba.
Wie wärs amol am Sondich Morga, do senn eigendlich dia Schichdlor au et em Gschäft. I dät no hald amol uf d Kirch vorzichda ond gud mir em Fernseh des Wort zom Sondich ah.

I ben nägschd Woch ab Daischdich em Passeiertal. Ond danoch goths mit mein Gebbl ens Trentino.

Waffl wenns vorher et glapt no kenna mir no telefoniera

 

[gshogi]

ieh beh heit emmrno bosidiev

Älles guade Waffel.
No gang i morga halt doch ens Training

 

[waffel]

Dangscheee!


Harry, so mah mrs

 

[Erg-Chebbi]

Okeh. Naa sagat halt wenns soweit isch

 

[gshogi]

Passaierdahl ischd subbr.
Do ben i emmer beim Jager Hans.
Nägsch Woch muss i nach Kiel.
Mei Dochter griagt dr Doktortitel ond ihr 30. Geburtsdag isch au no zom feira.