Schwäbisch fir reigschmegde

[manfred180161]

Des tut mir jetzat scho loid, be uffam Familiefeschd vom G‘schäft meinera Holda. Des gohd um 14:00 los.
Es sei räecht, no hab i um 17:00 schee sG‘sicht verschnitta!
No hald snägsch mohl

Ja jez doch edd?
Leid, wia solled mir den Griag gwenna…

 

[manfred180161]

An dr’ Mulle, erg-chebbi ond dr GS Q:
Velleichd schaffad ihrs jo dr sälbschd ernannde Dubbalor aus Echdrdenga ondr Ohdroung vo leichdr Gwald, da Wäg noch Berga aizomschlaga.
Ieh hau grad no en maim Fuirwehretaah en Poschda gfonda:
6 Frei-Hopfa-Kaldschaala (aldrnadiev au algohohlfrei)

I mechd dor Hoffnonga macha, weil mei Weib am Samschdich menhirs schaffa sodd. No gugg mor amole, ob mor au noch BERKEIM fenda dähded.

 

[gshogi]

Ihr mached mi no ganz wuschig mit eirer Ausfahrt.
i be doch ned do.
Jetzt kommet ihr mi no mit Berga onde de Hocketse. Do hot mei Schwoger Eisatz (denke i) Der isch do beim Rod Kreiz

 

[HarryS]

Leid leid leid leid, hen ihr am Samschdich nex bessors vor wia auf da Gebbl nuff zhogga ond schbaziera fahra?

I dät ja glei mit abor i muas uf meine Schdiggla ond Epfl ra doa.

Was machat ihr den Sonndichs? Do het i Zeit ond kennt au mit. I gang je et end Kirch !!!

 

[HarryS]

Isch jo koe Broblem, weil bloß a Vorschlägle one i koh ao edd äll Samschdich.
Wenns Weddor NÄGSCH WOCH (also am achda Oggdober) Samschdich edd grad Katza gagla lessd, no fahr i mein Schdandard-Albtrauf-Ronde, so om de 250 km mit 4 Schdond ond Kurva ohne Ende bluss Kaffele ond Buddorbrezzl.

Wenn ebbor Zeit und Luschd hodd, no schwetz mor.

Manne goht des au Sonndichs?

 

[manfred180161]

Manne goht des au Sonndichs?

Uff jeden Fall amole des Wwochaend schommal edd. Hab egsdra s‘Schrangombaua uff da Sonndich verschoba.
Schade, kohschs edd irgendwia eirichda? Eppfl kahmoraosonndichsradoah…

 

[waffel]

Ihr mached mi no ganz wuschig mit eirer Ausfahrt.
i be doch ned do.
Jetzt kommet ihr mi no mit Berga onde de Hocketse. Do hot mei Schwoger Eisatz (denke i) Der isch do beim Rod Kreiz

Dai Schwoagr isch beim Rohda Blus?
Abr noh wahrschainlich en Zäll, weil ohsre Sannies en Berga henn sich denne en Zäll ohgschlossa - koh scho sai, da mr s‘ Raude Greiz buachd hend - em Fall, dass oinr vo dr Biehrbank rahhaglad

 

[waffel]

Leid leid leid leid, hen ihr am Samschdich nex bessors vor wia auf da Gebbl nuff zhogga ond schbaziera fahra?

I dät ja glei mit abor i muas uf meine Schdiggla ond Epfl ra doa.

Was machat ihr den Sonndichs? Do het i Zeit ond kennt au mit. I gang je et end Kirch !!!

…mir älle dädad au am Sonndichs Epfl raah ond Grommbiera raus - wa muasch noh ausgrächnad du em Samschdichs wuala ohfanga?

 

[HarryS]

Waffl des isch ganz oifach. Von Medich bis Freidich schend i mir em Gschäft jeden Dag da Ranzza.
Des was noh dWoch ibor liega bleibt muas i am Samschdich wegschaffa. Ond am Sonndich hann i noh mei rua ond kah uf da Gebbl nuff hogga.

Wenn i abor schon am Samschdich net dua han i am Sondich koi Luschd meh.

Mei Brennholz fir da Wendor hann i scho mol weg! Ond des warat au a bar Ahengor voll.
Dazukommt no, dass i des scheiss Korona au ket han.

 

[waffel]

…ällas guad - ieh hann des doch bloß em Schbass gsaid!! 🫣

 

[HarryS]

…ällas guad - ieh hann des doch bloß em Schbass gsaid!! 🫣

So hann i des au aufgfast

 

[manfred180161]

Waffl des isch ganz oifach. Von Medich bis Freidich schend i mir em Gschäft jeden Dag da Ranzza.
Des was noh dWoch ibor liega bleibt muas i am Samschdich wegschaffa. Ond am Sonndich hann i noh mei rua ond kah uf da Gebbl nuff hogga.

Wenn i abor schon am Samschdich net dua han i am Sondich koi Luschd meh.

Mei Brennholz fir da Wendor hann i scho mol weg! Ond des warat au a bar Ahengor voll.
Dazukommt no, dass i des scheiss Korona au ket han.

A Ausred wia a Maus a Loch…

 

[HarryS]

A Ausred wia a Maus a Loch…

Manne des isch koi Ausred.

Abor mir machad des andorsch.

I lad die fir de nägschde baar Wocha (Samschdigs) ei zum Epfl aufklauba. sgibt au Läborkäswegga ond an Kolbe dazua.

Sonndigs kenna mir ja noh a Ronde dreha.

I denk i komm Desjohr auf auf 3-4 Tonna Epfl.

I gfrei me scho.

 

[manfred180161]

Manne des isch koi Ausred.

Abor mir machad des andorsch.

I lad die fir de nägschde baar Wocha (Samschdigs) ei zum Epfl aufklauba. sgibt au Läborkäswegga ond an Kolbe dazua.

Sonndigs kenna mir ja noh a Ronde dreha.

I denk i komm Desjohr auf auf 3-4 Tonna Epfl.

I gfrei me scho.

I ess em Johr drei Epfl, edd drei Tonna.
Kohsch grad vergessa

 

[GS Q]

I wünsch eich heud ganz viel Schbaß!

 

[waffel]

emm Fall, dass ihr kommad ond mi suachad:

 

[gshogi]

Heit hann i lauter Bleede kennaglernt.
Obwohl i eigentlich gar ned do gwäsa wär.
Schee wars. Buaba, ihr seid klasse. Gerne wieder.
Ond an'd Waffel an bsondra Dank fiers Feierwehrfäschtfreibier.

 

[waffel]

…die Bleede z‘ Berga bei dr Fuirwehr.
Dr graischd Gnallr hots Foddo gschossa
Grad scheee wars eich Gsiachdr kennazomlerna

 

[Erg-Chebbi]

Ja, s'war richtdig schee. Viel bessr als so saudomme Ebfl glauba. Harry da wärsch wohl drbei gwäa.
Dr Manne hat sauguad gaidad, laudr nedde Leit. Mir hats so richdig gfalla. Des soddad mr älamal macha.
Viele Griaß
Martin

 

[waffel]

…wenn dr Harry no en saubra Moooschd hot, khechda mr doch no en saim Källr gefeira gau, weil no hot sich dui Epflbuggarei glohnd
Uich no en scheena Samschdich - i muas no a bissle uffam Fäschd doa…